PATEI TO TUO SOLA PATUO TOMATE

Cerita rakyat

Dalam persi bahasa pattae

Capitalism

Dengan mesa wattu mesa pibanuan kaindanan lako padangkang mesa juta. Dio tudio pibanuanno dengan ana’nga mesa torro jagai banua napasanni indo ambe’na “e... anak iyake sae passinga masiang nakinapeang kuanni kua laona patuo tomate’o” nakua to iya indo’na “kuanni kua laona aku patei totuo”.

Masiangnga sae tongan passinga, mikkutanami imbo indo ambe’mu anuo jaji napalatukmi bicaranna tomatuanna kimua “le’ba’i Patei To Tuo sola Patuo Tomate” selangmi passinga nakuamo “e anak apa battuanna tuu??? Nalallaen tukusa’ding bicaranna tomatuammuo...” nakuamo tena’na’e “dampanganna tae’ki mala kutularan battuanna kona iyatora aku tee nakuanna tomatuakkue... jaji iya kupalattukakki...” 

Iyate passinga’e me’lokki mussen battuanna jaji nakuamo “iyana mutularanna battuanna e... kulapparammi indanna indo ambemu” nakuamo tena’na’e “sitonganna tae’ mala kona pasanna tomatukku tee tapi iyake pale ketenganni tuu e... talaomo lako banuanna kapala dusun nadengan ussa’bii tetula’ta’e kua leppai indanna indo ambe’ku.

Jaji pada laomi lako banuanna kapala dusun, sae lako nakuamo kapala dusun “apara tumaio???” sumumi tena’na’e “nakua te passinga’e kimua lappa’i indanna indo ambe’ku lako tepassinga’e kekukuanni battuanna te pasanna indo ambe’kue... jaji kukuammi diopi banuanna kapala nadengan ussa’biki ketenganni pale tumati’o...” jaji iyate kapala dusunne nakua tomo iya “e... tularranmi pale tu pasanna indo’ ambe’muo nakusa’bii” jaji natula’ tomi tena’na’ iyae kimua “nakua indo’ ambe’ku iyake saei passinga masiang kuanni kua le’bai patei totuo sola patuo tomate jaji battuanna tulakoo... iya disanga patei totuo battuanna laoi mangnge’bu banne lako galung, anna iyato disanga patuo tomate e... mattanan bannei pua’ku topura tengena nae’bu indo’kue... jaji iyamo tenena battuannae patei totuo sola patuo tomatee.... 

“C A P P U”

MAPPAMMULA MUSSEN CAMMIN

Cerita rakyat
Dalam persi bahasa pattae

Tit

Dengan mesa wattu pakkambi tedong subunni lammai umanna lao mappasa kona nasuai bainena lao mmalli sia, barra, bale, sola iangasanna todiparalluan dio dapo, tappana sule dumai pasa kitai cammin dio tangnga bata napuninikmi, nakita tappana lalan, nakuamo “eh,,, fhotona ambe’ku tee apana ma’janggo?”

Jaji nalai tudio camminno napatamai sola balancana kona nasanga-nasangai fhotona ambe’na, sae tama umanna napalena’mi balancana, mane lao kuan bainena “dio dapo balancaku indo’na...”.

Iyate bainena laomi kitai balancana muanena, tikedu’i nakua lalan nyawana “apa te nadengan fhoto tubaine lalan balancana muanekue???”. Jaji lao rari muanena “iya pale namura’jin lao sau pasa kona dengan caddingmu sau tuu...” ma’gea muanena “apa nadengan tengan???” nabalimi bainena “menda pale tudio fhoto lalan tasa balancamuo ke tannina candingmuo???, nakuamo muanena “tannia,,, napotona tu ambe’ku tuu kuliu sau tanglalan nakusule lau’mai pasa nena’o..” tae matappa bainena jaji pada laomi kitaii tudio camminno nakua bainena “apa naikomara lalan?” nakua to muanena “eh naikoto lalan too,,, ooooh iyamo pale tee nasanga tau sau kampung camminne,,, dikita kaleta lalanne lailaha illallah apa kupahanganni”.

“C A P P U”

NB:
Mudah-mudahan kita tidak termasuk orang orang yang melupakan bahasa daerahnya sendiri.